Hazrat Muhammad Murad Ali Khan Rahmatullah Alayh

 

Hazrat Muhammad Baba Samasi

Rahmatullah Alayh

 

Shehar bukhara se no meel ke faasla par waqay Qarya Samas  mein aap ki wiladat 25 Rajab 591 Hjri ko hui. Isi liye aap ko Samasi kaha jata hai. Jazbaat o aradat ka aap par ghalba rehta tha.HazratAzizane Ali Raamitni Rahmatullah Alayh ke akaber khulfa mein shumaar hota hai.HazratAzizane Ali Raamitni Rahmatullah Alayh ne rehlat ke waqt aap ko apna janasheen muqarrar farmaya aur apne tamam mureedon ko aap ki eradat ka amar farmaya .

 

 

 

 

 

 

 

 

 

 

 

 

 

Hazrat Khwaja Baha ud Din Naqshband Rahmatullah Alayh ki jaye wiladat Qasr e Hindwan  jo kay Bukhara se teen meel ki faasla par hai, se gzrte hue farmatay thay ” زود باشد کہ ایں قصر ہندواں قصر عارفاں گردد “Tarjama :Anqareeb yeh jagah Qasr ہندواں e Hinwan se badal kar Qasr  Arifan  ban jaye gi. Chunancha  jab Hazrat Khwaja Baha ud Din Naqshband Rahmatullah Alayh ki wiladat hui aur aap ke jadd amjad aap ko duaye barket ke liyeHazrat Baba Samasi Rahmatullah Alayh ke paas laaye to Hazrat Muhammad Baba Samasi  Rahmatullah Alayh  ne Hazrat Naqshband Rahmatullah Alayh ko apni farzandi mein qubool farmaya aur unkay mutaliq irshad farmaya yeh larka anqareeb apne waqt ka imam muqteda Banay ga .

Hazrat Khwaja Baha ud Din Naqshband Rahmatullah Alayh farmatay hain kay jab meri umar 18 saal hui aur meri shadi ka programme bana to mein Hazrat Muhammad Baba Samasi Rahmatullah Alayh ki khidmat mein dawat leker haazir howa. Huzoor Rahmatullah Alayh  ki sohbat ki barket se is raat mujh par giryaa zaari ka ghalba howa. Subuh ko langar khanay ke baad aap ne mujhe aik roti sath le  kar chalne ko kaha, mein ne hichkichahat mehsoos ki to farmaya rakh lo kaam aye gi. Chunancha huzoor Rahmatullah Alayh mere sath rawana hue. Rasta mein aik mukhlis mila. Nihayat darja khush howa aur aap ko dawat day kar ghar le gaya. Is ko be chain dekh kar Hazrat Muhammad Baba Samasi Rahmatullah Alayh ne farmaya sach sach batao kya baat hai. Kehnay laga Huzoor ghar mein paneer to mojood hai magar roti mojood nahi hai. Aap ne meri taraf mutwajjah hokar farmaya woh roti nikalu tum ne dekha aakhir woh roti kaam aa hi gayi .

Aakhir umar mein Hazrat Muhammad Baba Samasi Rahmatullah Alayh ne bator khaas apne khalifa naibHazrat Ameer Kalaal Rahmatullah Alayh se farmaya tha ”tum mere is farzand Bahaud Din ke haq mein tarbiyat o shafqat mein hargiz kotahi nah karna“ Chunancha Hazrat Ameer Kalaal Rahmatullah Alayh  ne apkee umdah tarbiyat ki aur aap ki yeh paishen goi so feesad durust saabit hui aur Qasr e Arifan Bukhara se Naqshbndi faiz duniya bhar mein phela aur phail raha hai

Aap 10 Jamadi al Akhar 755  Hjri mein is daar faani se rukhsat hue. Anaa lillah wana ilaihi rajiun. Aap ka mazaar bhi Qarya Samas mein ziyarat gaah khaas o aam hai .